ပြည်ထောင်စုအစိုးရအဖွဲ့သည် ယှဥ်ပြိုင်မှုဥပဒေ ပုဒ်မ ၅၊ ပုဒ်မခွဲ (က)နှင့် (ခ)တို့အရ အပ်နှင်းထားသော လုပ်ပိုင်ခွင့်ကိုကျင့်သုံး၍ "မြန်မာနိုင်ငံယှဥ်ပြိုင်မှုကော်မရှင်"ကို ၂၀၁၈ ခုနှစ်၊ အောက်တိုဘာလ ၃၁ ရက်တွင် အမိန့်ကြော်ငြာစာအမှတ် (၁၀၆/၂၀၁၈)ဖြင့် ဖွဲ့စည်းခဲ့ပါသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးက ကော်မရှင်ဥက္ကဌအဖြစ် တာဝန်ယူဆောင်ရွက်ပြီး ပြည်ထဲရေးဝန်ကြီးဌာန၊ ဥပဒေရေးရာဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပို့ဆောင်ရေးနှင့်ဆက်သွယ်ရေးဝန်ကြီးဌာန၊ စက်မှုဝန်ကြီးဌာနနှင့် ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်မှ ကိုယ်စားလှယ်များ၊ ဥပဒေပညာရှင်နှင့် စီးပွားရေးပညာရှင်များက ကော်မရှင်အဖွဲ့ဝင်များအဖြစ် ပါဝင်ကြပါသည်။